மழை போலும் மோகம் !

வெளிச்சக் கணவனை விட்டுப் பிரிந்த

இருட்டு மனைவியின்

மோகக் கதறல் !

அனிச்ச மலரினும்

மெல்லியலாள், அவளின்

மருட்டும் குரலின் சின்னச் சோகம்.

இடியும் மின்னலுமாய்

வீட்டின்

படியில் தெரியும்

வெளிச்சப் புகையினுள்

கொஞ்சம் தெரியும் அவளின்

கெஞ்சல் சிரிப்பு !

வானத்தை கிழித்த

மின்னல் கோடுகளால்

மனத்தை கிழிக்கும்

வெறித்த பார்வை.

தூரல் என்பதே

மழையின் தொடக்கம்தான்.

சாரல் வரவில்லை-

சாமி அதை தரவில்லை..

சிக்கல் சிக்கலாய்

சிந்தித்த இரவு

இறந்து போய் விடியல் வெளிச்சம்.

விடிந்தபின்னும்

மழை மட்டும் வரவே இல்லை.