புது ஜோடி

புதுசா கல்யாணமான அழகான ஜோடி ஒண்ணு ஊர் சுத்திக்கிட்டிருந்தாங்க.

நல்ல கூட்டமான கடைவீதில திடீர்னு அவனைக் காணோம்.

கொஞ்ச நேரம் காத்திருந்துவிட்டு, காணோம்னு புரிஞ்சுகிட்ட அந்தப் பொண்ணு அவனுக்கு போன் பண்ணா.

“ஹலோ, என்னாச்சு? எங்கிருக்கீங்க?” பதற்றமானாள் அவள்.

“ தங்கம், கவலைப்படாதே ......பத்திரமாயிருக்கேன்” 

“ அது சரி...நான் டென்ஷனாயிட்டேன். எங்க இருக்கீங்க சொல்லுங்க...”

“ கல்யாணத்துக்கு முன்னே நாம அடிக்கடி இதே ஏரியால சுத்துவம்ல...?”

“ஆமா...”

“அப்போ ஒரு நாள் நீ ஒரு ஜுவெல்லரில காஸ்ட்லியான நெக்லஸ் ஒண்ணை பாத்திட்டு, ஆசைப்பட்டு கேட்டியே ஞாபகம் இருக்கா?”

பிரகாசமானாள் அவள், “ அய்யோ ஆமாம்......”

“நான் கூட இப்ப காசில்ல, கல்யாணம் ஆகட்டும் நிச்சயம் ஒரு நாள் உனக்கு இதை வாங்கி தருவேன்னு சொன்னேனே....?”

அவளுக்கு கிட்டத்தட்ட குதித்தே விட்டாள், “ ஆஹா.....ஆமாங்க....சொன்னீங்க”

“ அதுக்கு பக்கத்து பார்ல இருக்கேன் வந்து பிக்கப் பண்ணிக்க”