என் மனைவியென்றானவள் !
எனக்கென வருகையில்
உன் அடையாளம்
அத்தனையும் தொலைத்தவள் நீ !
உன்
உள்ளத்தை மட்டுமல்ல -
உன் இனிஷியலையும்
எனக்காக தாரைவார்த்தாய் !
உன் இல்லம் விட்டு வந்ததோடு,
என் இல்லமே உன்
முகவரியென்று கொண்டாய் !
உன் கனாவில் பல இரவுகள் இருந்திருக்கலாம்
ஆனாலும் ஒரு முதல் இரவை எனக்கானதாக்கினாய்!
* * * * * * *
உனக்கென நான் என்ன கொடுத்தேன்?
என்னையொத்த சிறு பிள்ளையும்
சில
எச்சில் முத்தங்களும் தவிர?
-து.வேலுமணி / ஈரோடு 9600790033
Comments